bachpan mein sikhaya gaya tha,
god mein bitha kar batlaya gaya tha,
zyaada oonche khwaab mat sajana,
apne maasoom dil ko mat bahalana
chaahe dil ke armaan kabhi nahi sote
magar kuch khwaab kabhi poore nahi hote...

har lafz suna magar dil apna toda nahi
koshish ki magar khwaab chun na chhoda nahi
kabhi khud se lade, kabhi haalaat se lekin
maayusi ko apne wajood par odha nahi
ye maana ke dil ke armaan kabhi nahi sote
magar ye galat tha ke khwaab poore nahi hote...

kyunki kisi ne tumhare sapne thukra diye
to kya, qaaynaat ab bhi barkaraar hai
dekh phir ek baar koshish kar
ek baar phir mauka tyaar hai
ye maana ke dil ke armaan kabhi nahi sote
magar ye galat tha ke khwaab poore nahi hote

jab dekh taara toot te hue to naamuraad na ho
zameen par girne se pahle usko lapak le,
daboch kar apni hatheliyon ki ot mein
chupa kar usko apne khazaane mein rakh le
sach maana ke dil ke armaan kabhi nahi sote
magar ye galat tha ke khwaab poore nahi hote

Popular posts from this blog