hamaare paigaam ka jawaab nahi aata

Bahut bezaar ho jaate hein jab hamaare paigaam ka jawaab nahi aata

Peshe se muhaasibi karne waale ko meri besabri ka hisaab nahi aata

Khat milne ke baad bhi aadat-e-qataa-e-nazar se pareshaan hein

Kya us be-khabar ko mere dard ka ahsaas-e-azaab nahi aata

Khamkhah hi intezaar karne ka marz mol le liye hai humne

Ek woh hai jise meri naadaaniyon pe kabhi etaab nahi aata

muddat se band rakhen hein saare darwaaze aur khidkiyan

phir bhi bigde hue ahsaason ko chain-e- Iztiraab nahi aata

din raat behad uksaate hein hum uske sabr aur qaraar ko

jane kis mitti ka hai k uske jazbaaton pe inqlaab nahi aata

Muhaasibi- accountancy

aadat-e-qataa-e-nazar– habit of ignoring

ahsaas-e-azaab – understanding agony

etaab – gussa, anger

chain-e- Iztiraab – relief from anxiety