suni si ek aawaaz phir suni, goonjta kaano mein ek geet sa
dost ban kar juda hua tha, mila arse baad manmeet sa...
bachpan ki maasoomiyat, ab tak chupi hai kahin
ahsaas lekin badal gaye, jo dosti kabool na karta tha
bin shabdon se bolta raha bhari mehfil mein
aur har lafz lagta uska an-bujhi preet sa....
phir usko wahin khadaa paaya, jahan se bichda tha kabhi
unhi sadkon par sar jhukaaye gungunaata hua
sar uthaaya aur muskuraaya aur suraj nikal aaya
shaayad tabhi aaj ka din lagaa , tees baras puraane ateet sa...